Перзент тербиеси – ата-эне үчин иң зерүр везипелериң биридир. Бу җогапкәрчилиги чуңңур дүшүнйән ата-энелер перзентлериниң тербиесине ве ахлагына үнс берип, хер хили  шертде-де оларың тербиеси билен мешгулланмага вагт тапярлар.

Хадыслардан биринде: “Ата-энәниң өз перзендине говы ахлакдан хайырлы зат берип билмез”, - дийилйәр. Себәби рухый тайдан етишен перзент ата-энәниң хызматыны эдип, Ватанына чын йүрекден берилен, кәмил ынсан болуп етишйәр.

Бу гүнки гүнде ынамы, ягны акыдасы, гарайышы ве дүшүнҗеси долы кәмиллешмедик яшларымыз, өзлери билмезден нәдогры пикирлере алданып, идеологик галмагалларың тәсирине дүшйәрлер. Шол себәпли, бу гүнки иң актуал меселелериң бири – сап ыслам акыдамызы, ягны ынамымызы өвренмек ве өвретмекдир. Бу болса яшларымызың аңына бозук акыдаларың ве ят пикирлериң гирмегиниң өңүни алар.

Өкүнч билен айтмалы, шу гүнлер кәбир адамлар ыслам ылмыны интернетдәки халкара хабар улгамларындан , социал улгамлардан , интернетде яйрадылан дүрли китаплардан, аудио ве видео чыгарышлардан өвренмеги етерлик дийип хасаплаярлар.

Эзизлер, диңе интернетдәки дүрли шүбхели чешмелер, хатда иң ынамлы хасапланян хесрет китаплары я-да башга ылмы китаплар хем хакыкы ылым алмак үчин, анык ыслам гарайышыны ве дүшүнҗесини кәмиллешдирмек үчин етерлик дәлдир. Онуң үчин элбетде мугаллым, устаз герекдир.

Иман ве ынам боюнча магламатлары яшларың аңында догры кәмиллешдирмек хем-де җемгыетиң рухы  дүнйәсини бозмага эрбет  пикирлерден горамак хемише иң ваҗып везипе болуп гелди. Элбетде, бу ишиң меркезинде ата-энелериң үнси дуряр.

Кәбир ата-энелер чага тербиесине бипервайлык эдйәрлер. Олар өз шахсы ишлерини, көчедаки танышларыны, мадды байлык топламагы биринҗи дереҗели везипе хасаплап, машгала агзаларының ахлагы ве тербиеси билен мешгулланмагы икинҗи дереҗели ише өвүрйәрлер.

Бизиң бейик ата-бабаларымыз, ийманлы ве салых ынсанлар перзент тербиесине улы үнс берипдирлер. Себәби миллетиң өсмеги я-да говшамагы яшларың тербиесине ве ахлагына баглыдыр. Эгер перзентлеримизе говы тербие берсек, гелеҗегиң дүйби берк болар, иншалла.

Жемләп айтсак, өтмишдәки бейик шахсыетлериң ёлы билен гидип, биз хем гелеҗегимиз болан перзентлеримизиң тәлим-тербиесине  ве ахлагына үнсли болмалыдырыс. Эйсем-  -де, олары тербиелемекде  ата-  -бабаларымызың өмүр ёлы ве гоюп гиден  рухый мираслары әхмиетли орун тутяр. Гелеҗек несил тербиеси әхли дөвүрлерде халкымызың өңүнде дуран иң эсасы везипелериң бири болуп гелди ве шонуң ялы болуп галар.