Ынсан дурмушының асуда ве абадан болмагының себәплеринден бири халал кесп билен мешгул болмакдыр. Хеммәмизе  мәлим болшы ялы, Ыслам дини ялталыгы, гелеңсизлиги ве бипервайлыгы  язгаряр. Халал кесп этмәге үндәп , кишиниң өзүне, машгаласына ве җемыетине пейда гетирйән кесп-хүнәр билен мешгул болмага, экинчилик я-да малдарчылык этмәге, я-да дөредиҗилик билен мешгул болуп, ылмы-техника тайдан өңе гидип, адамзат өсүшине гошант гошмага чагыряр.

Кесп этмекден максат рысгал талап этмекдир. Рысгал тапмага гайрат эден адам элинден гелдигиче еңил ёл билен көп гирдежи тапмагы ислейәр. Парз (фарз) эдилен намаз ыбадаты ерине етирилмегинден соңкы орунда рысгал тапмак барада Аллатагала шейле буюряр: «Ине, шу  хачан намаз (җума намазы) тамамланансоң, ер йүзүнде   Алланың фазлындан (рысгалындан) истәң, Алланы көп ятлаң, белки халас боларсыңыз» (Җума сүреси, 10-нҗы аят).

Рысгал талап этмек ёлунда хер хили ягдайлара душ гелинйәр. Кәвагт көп гирдежи ислеги билен харам ёллары сайламага, өзгәниң хакына теҗавуз этмәге догры гелип галмагы мүмкин. Эмма мукаддес динимизиң таглыматларында шеригат боюнча харам болан эгри ёллар билен дүнйә йыгнамак гадаган эдилйәр.

Харам ёл билен пул тапмак ёлуна гиренлер бир вагт максадына етип билерлер, эмма онуң ялы ынсанларда  рахатлык ёгалар. Ахыретде болса гаты азаплара дучар боларлар. Халал зәхмет эелери болса, тапан задындан берекет гөрерлер ве хатыржемликде өмүр сүрерлер.