Пайғамбаримиз Муҳаммад соллалоҳу алайхи васаллам яхшилик қилишда, хулқ ва одобда бутун инсониятга ибрат бўлган олий хулқ соҳиби эдилар. Ер юзига комил хулқларни ёйишга келган  ва ўзи ҳам гўзал хулқли бўлган охирзамон Пайғамбарининг ворислари бўлмиш биз, У Зотга эргашиб, У Зотнинг суннатларини ўргансак, кимлар яхши одам саналиб, кимлар ёмон ҳисобланишини билиб олган бўлардик. Расулуллоҳ соллаллоҳу алайҳи васаллам ўзларининг бир неча ҳадиси шарифларида яхши кишиларнинг кимлигини баён қилиб берганлар:

Оиша розияллоҳу анҳодан ривоят қилинади: «Расулуллоҳ соллаллоҳу алайҳи васаллам: «Яхшиларингиз аҳли-оиласига яхшилик қилувчиларингиздир. Мен сизларнинг ичингизда аҳлига энг яхшилик қилувчингизман»,  дедилар» (Термизий ва Ибн Ҳиббон ривоят қилишган).
Агар Пайғамбар алайҳиссаломнинг суннатларини пухта ўргансак, У Зотнинг кўрсатмаларига амал қилиб, ўзингизни яхшилик томонга ўзгартиргач, энди доимо оила аъзоларингизни ҳам  яқинларингизни яхши муносабатга чақиринг!