Мине елимизге Рабиъул əўўəл айы кирип келди. Ҳəр жыл Рабиъул əўўəл айының 12-ши күни Пайғамбарымыз Муҳаммад саллаллаҳу аләйҳи ўəсəллəмдиң туўылған күнлерин кең турде путкүл дуня  мусылманлары қатарында елимиз мусылманлары да белгилеп Пайғамбарымыз Муҳəммəд саллəллаҳу алайҳи ўəсəллəмдиң тарийхы, сийратлары ҳаққында, ҳәмде У Зот саллəллаҳу алайҳи ўəсəллəмға Хəтми Қуранлар ҳəм салаўаты шəрийфлер оқыйды. Пайғамбарымыз Муҳаммад саллəллаҳу алайҳи ўəсəллəм милодий 571-жыл 12-раббиъул əўўəл, (базы раўийатда 9- раббиъул əўўəл) айында дүшемби күни Мəккаи мукаррамада Қурайш қəбийлесинде дуняға келди. Ол кисиниң нəсл-несеблери  уллы Пайғамбарлардан болған Ибраҳим алайҳиссаламға барып тақалады. 

Бул хаққында Пайғамбарымыз саллəллаҳу алайҳи ўəсəллəмдиң өзлеринин төмендегише раўият қылынған: «Аллаҳ таъала пайғамбарлық ушын Ибраҳим əўладларынан Исмаилды, Исмаилдың əўладларынан Бəний Кинананы, Бəний Кинанадан Қурайшды ҳəм Қурайшдан Бəний Ҳашымды, Бəний Хашымдан болса мени таңлап алды», деп марҳамат қылғанлар. Аллаҳ таъала Пайғамбарымызды саллəллаҳу алайҳи ўəсəллəм) сондай уллы кисилердиң пуштында сақлап, аталары Абдуллаҳ ибн Абдулмуталлиб ҳəм аналары Амийна бинти Ваҳбдан туўылыўларын қəледи. Пайғамбарымыз саллəллаҳу алайҳи ўəсəллəмдиң туўылған ўақтында аталары қайтыс болған еди. Камалға жетпесинен алдын аналары да қайтыс болады. Соң ол киси  бабалары Абдулмуталлиб  қарамағына өтеди. Бабалары қайтыс болғаннан соң əмекилери Əбу Талиб қарамағында қалады. Пайғамбарымыз саллəллаҳу алайҳи ўəсəллəмды ол дəўирдеги араб халқының дəстурлерине муўапық емизген əйел аналарымыздан болған Ҳəлийма ас-Саъдиййəдур. Расулуллаҳ саллаллаҳу алайҳи ўасалламдиң шарапаты менен əмекилери Əбу Талып ҳəм Ҳəлийма ас-Саъдиййə үйлеринде мислсиз береке пайда болғанлығын тарыйх кытапларында сөз етиледи. Расулуллаҳ саллəллаҳу алайҳи ўəсəллəмдан сондай ажайып ыйс шығар еди, ол ыис мушкден-де (атыр) өзгеше еди. Пайғамбарымыз саллəллаҳу алайҳи ўəсəллəм жас ўақтында бирге ойнаған досларының аналары балалары уйлерине киргеннен соң өз перзентлерине, бугин сен Муҳəммəд менен ойнадыңба, деп сорайтын еди.