Аллаҳ таала ағайинлик байланысларын беккем байлаўға шакырады. Бундан ағайинлерге ҳәм қоңсыларға айрықша итибар бериўге буйырады, ҳәтте буны ибадат дәрежесине көтереди ҳәм оны ата-анаға жақсылық қылыў менен теңлестиреди. Қураны кәримде:

"Аллаҳға ибадат қылың ҳәм Оған ҳеш нәрсени шерик қылмаң! Ал, ата-аналарға жақсылық қылың! Сондай-ақ, ағайин-туўысқанларға, жетимлерге, мискинлерге, ағайин қоңсыларыңызға, ағайин емес қоңсыларыңызға, қасыңыздағы жолдасларыңызға, жолаўшыларға (мүсәпирлерге) ҳәм қолыңыз астындағыларға (жақсылық қылың)!

Әлбетте, Аллаҳ тәкаббыр, мақтаншақты жақсы көрмейди".
(Ниса сүреси, 36-аят).

Ағайин-туўысқанлық байланысларын беккемлеў ислам дининде "силаи раҳм"делинеди ҳәм динимиз мусылманларды ҳәмме ўақыт силаи рәҳмге буйырған.

Ағайин-туўысқанлық байланысларын беккемлеў - уллы ибадатлардан.

Умар ибн Динар былай деген екен:
   "Парызды орынлаў ушын қойылған қәдемнен кейинги ең саўаплы қәдем бул - ағайин-туўсқанлықты байлаў ушын қойылған қәдем. Буның саўабы жүдә үлкен болып, ол бул дүньяның өзинде ақ бериле баслайды, ақыретке де алып қойылады.
   Бул ҳаққында Расулуллаҳ саллаллаҳу алайҳи ўасаллам былай деген:
   "Саўабы ең тез берилетуғын әмел - ағайин-туўысқанларға жақсылық етиў", деген.

Азизлер! Өмримиз даўамында силаи раҳм байланысларын беккемлеў бас мақсетлеримизден болсын!

Тақыятас районы "Муҳаммад Мурад ийшан" жаме мешити имам-хатиби Яқуб Жумамуратов