Мусулмон киши учун Рамазон рўзасидан ташқари янада кўпроқ савоб олиш мақсадида нафл рўзалар тутиб юриш имкони бор. 

Мўмин киши қўшимча нафл намозларни ўқиб Аллоҳ таолога қурбат ҳосил қилади, ва баъзи кунларда рўза тутиш жуда ҳам фазилатлидир.

Қуйидаги Ҳадиси шарифларнинг бирида:

Нега айнан душанба ва пайшанба кунлари рўза тутиш фазилатли амал эканлигини билиб олишимиз мумкин.

عَنْ أَبِي هُرَيْرَةَ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ: تُعْرَضُ الأَعْمَالُ يَوْمَ الاثْنَيْنِ وَالْخَمِيسِ فَأُحِبُّ أَنْ يُعْرَضَ عَمَلِي وَأَنَا صَائِمٌ. رَوَاهُ التِّرْمِذِيُّ

Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи ва саллам дедилар: «Амаллар ҳар душанба, пайшанба кунлари (Аллоҳга) кўрсатилади. Менинг амалим рўзадор бўлган ҳолимда кўрсатилишини истайман» (Имом Термизий ривояти).